У новим „Руским слове”

автор А. Паланчанин
203 Опатрене

 НОВИ САД – У найновшим, шеснастим чишлє новинох „Руске слово” на Тижньовнїку обявени звит зоз схадзки Одбору за културу Националного совиту Руснацох на хторей утвердзени план за финасованє проєктох у тей обласци.

У рубрики Нашо места з тей нагоди визначени текст о означованю Дня Ромох у Руским Керестуре, зоз журки младих у Дюрдьове як и о ярнїм пораєню у Бикичу.

На бокох Економиї обявени текст о пестованю и предаваню квеца у Руским Керестуре и о продукциї и предаваню жита по нових правилох. Од темох у рубрики Духовни живот мож пречитац о активносцох парохиї у Коцуре на поставяню нового крижа на церкву и о панахиди за Владику Нярадия. Ту и текст о шестрох Василиянкох зоз Арґентини хтори нащивели Руски Керестур и з тей нагоди пришли зоз предкладом же би шестра Софрония Ерделї була преглашена за святу.

Рубрика Култура и просвита у тим чишлє приноши тексти о 56. Дрмаским Мемориялу Петра Ризнича Дядї. У рубрики Людзе, роки, живот предлужує ше зоз стретнуцами з нашима дохторами. На тот завод обявена репортажа зоз специялизантку ґинеколоґиї и акушерства др Ану Варґа.

У першим плану рубрики Спорт звити зоз прешлотижньових першенствених стретнуцох наших клубох и успихох атлетичарох зоз Руского Керестура.

У тим числу обявени и додаток Дом и фамелия.

ПОВЯЗАНИ ТЕКСТИ