НОВИ САД – После длугей и чежкей хороти, вчера 20. януара, упокоєл ше Дюра Будински, музични редактор у Радио-телевизиї Войводини.
Дюра Будински народзени у Руским Керестуре, 14. фебруара 1961. року. Роботни вик у Радио-телевизиї Войводини започал 1988. року у редакциї забавней музики. На Академиї уметносцох у Новим Садзе на департману музичних уметносцох закончел кларинет при Николови Срдичови.
Своїм колеґом останє у паметаню як винїмкови мулти-инструменталиста, композитор, аранжер и познаватель шицких музичних стилох и напрямох.
Зоз фамелию жил у Ветернику.
Дюра Будински будзе поховани на пияток 24. януара на 11:15 на теметове у Новим Садзе.