ДЮРДЬОВ/ҐОСПОДЇНЦИ – У дюрдьовскей парохиї Рождества Пресвятей Богородици и у грекокатолїцкей Церкви святого арханґела Михаїла у Ґосподїнцох внєдзелю, 20. априла, преславене найрадоснєйше швето Велька ноц.
Служби Божи, у обидвох местох, служел о. Михаил Холошняй, а вельке число вирних зоз своїм присуством возвелїчали тото швето. Паноцец у своєй казанї здогаднул вирних на приповедку о Исусовому страданю и о його жертви за цали чловечески род.
По служби, у обидвох местох у церковних портох отримане пошвецанє пасхалних кошаркох, велького числа присутних домашнїх и їх госцох.
Служби Божо були и на Други и Треци дзень Велькей ноци, а другого дня було мированє у обидвох парохийох.
