ВУКОВАР (ГОРВАТСКА) – Нєдавно зоз друку вишло треце число Новей думки у тим року.
У 253. чишлє Новей думки мож пречитац звити зоз наступох руских КУД-ох у Шидзе, Петровцох, Вуковаре, Свиднїку, Дарди… Презентована преслава Дня Руснацох у Горватскей, а окремна увага у тим чишлє на отриманей манифестациї култури 53. Петровским дзвону.
О вирскей тематики писал о. Владимир Седлак, о моди Давид Морґан, а о музики Ана Бучко и о польопривреди писали Иван Лїкар и Антун Гарди.
Попри того обявени даскельо писнї и проза, крижалька, як и рецепт за чоколадови колач з вишнями. Шицко тото и ище вецей мож пречитац на тим линку.