МИКЛОШЕВЦИ (ГОРВАТСКА) – Внєдзелю Службу Божу з нагоди преслави Велькей ноци служел миклошевски парох о. Роман Ступяк, провадзела го шпивацка ґрупа КУД Яким Ґовля, а апостол одшпивал Иван Лїкар.
После Евангелиї, парох пречитал Вельконоцну посланїцу крижевского владики Милана Стипича.
Велька ноц була красна нагода велїм госцом же би пришли зоз цалей Горватскей и иножемства нащивиц свою родзину и приятельох.
Того року послужела и красна хвиля та швеценє пасхалного єдзеня було на отвореним у церковней порти, а було коло 50 кошарки. Мированє будзе отримане на вовторок на Служби Божей з початком на 10 годзин.
Христос воскрес – Воистину воскрес
