З Бетяром до загради

автор Ол. Живкович
562 Опатрене

РУСКИ КЕРЕСТУР – Красна хвиля велїх парастох „вицагла“ вонка, до загради, поробиц цо мож. Желько Папуґов, у валалє познати и як предсидатель Конїцкого клуба „Русин“ зоз своїм Бетяром вишол до загради порихтац ю за ярнї роботи.

Гвари пан Папуґа же у загради вельо места нєт же би ше вошло зоз трактором, а зоз коньом вельо лєпше поробиц заграду бо нє затапша як трактор.

Конь Бетяр, гвари його ґазда, лєм за обисце, як любимец. Вичесани, прикрашени, поробел свою рооту у загради гоч ше го найчастейше хаснує же би цагал фиякер.

Пан Папуґа, гвари, вше любел з коньми. З дїдом часто ходзел парац кукурицу, поробиц жем зоз ролю. Гвари, гоч и два трактори под шопу, красше зоз Бетяром порихтац заграду за пластенїки.

ПОВЯЗАНИ ТЕКСТИ