РУСКИ КЕРЕСТУР – После вилїйовей вечери и колядованя вовторок, 24. децембра у храму св. оца Миколая, вєдно зоз владиком кир Георгийом Джуджаром, домашнїма священїками и госцами у Керестуре почало преславйованє народзеня Спасителя Господа нашого Исуса Христа.
Пред Саночним хор зоз Коцура зоз дириґентку Саню Копривица шпивал коляди. После Саночного, у просторийох Каритасу вирни ше дружели, шпивали коляди и на таки способ винчовали Рождество Христово.
Стреду 25. децембра, на перши дзень Крачуна, вирни у Службох Божих витали Новонародзеного, а Архиєрейску Службу Божу на 10 годзин служел владика кир Георгий Джуджар, сослужели домашнї и священїки зоз наших церквох.
Крачун, ше слави три днї, та штварток, 26. децембра, на други дзень Крачуна ше означує и Собор Богородици и св. Осиф обручнїк, а после Службох мированє, а на пияток Живи Вертеп на 18 годзин у Центру св. Йосафати.
