НОВИ САД – На швета Обризаниє Исуса Христа и Василия Велького и Нови рок по юлиянским календару, на Конкатедралней церкви святих апостолох Петра и Павла положена информативна табла.
На табли виписана назва церкви на штирох язикох: руским, українским, сербским и анґлийским.
На Службох Божих, хтори служени на 10 и на 18 годзин, парох о. Дарко Рац сообщел и податки зоз парохийних матрикулох за прешли 2025. рок. Прешлого року покресцени штири особи, двойо у першим року живота и двойо старши до седем роки. Повинчани були штири пари. Прешлого року поховани 26 парохиянє.
Од вовторку, по Богоявлению почнє ше пошвецац обисца. Розпорядок будзе виложени у церкви и на огласней табли, а тиж будзе и благочасово на ФБ Парохиї святих апостолох Петра и Павла Нови Сад. Пошвецац ше руши на 9 годзин, по розпорядку. Кед дахто вихабени, лєбо кед єст пременки, може ше озвац парохови о. Даркови Рацови. Руковина и того року 1.800 динари по особи старшей як 18 роки.