ВЛАДИМИР БЕСЕРМИНЇ народзени 8. мая 1946. року у Шидзе, а умар 20. марца 2014. року. Поховани є у Руским Керестуре. У Шидзе закончел основну школу и Ґимназию. Дипломовал на Филозофским факултету у Новим Садзе, на ґрупи за Югославянску литературу. Познати є у рускей явносци як уважени професор керестурскей Ґимназиї, як вельки активиста у нашей култури, поета, прекладатель, фаховец у рецитованю, ґлумец и режисер, єден час и тренер рукометашох и спортски роботнїк. Обявел пейц кнїжки: Очи у морю, поезия (1969); Раз повем, поезия (2003); Критики, рецензиї и огляди, зборнїк текстох (2011); Бешеда самим зоз собу, автобиоґрафски призначки (2012); З писню поведзене, поезия, (2013); Слово Бояна Двокраяна (2015).
НОВИНСКО-ВИДАВАТЕЛЬНА УСТАНОВА РУСКЕ СЛОВО
NOVINSKO-IZDAVAČKA USTANOVA RUSKE SLOVO
NEWSPAPER PUBLISHING INSTITUTION RUSKE SLOVO