РУСКИ КЕРЕСТУР – З нагоди Дня ошлєбодзеня Руского Керестура у Другей шветовей войни вовторок, 20. октобра у Спомин парку револуциї положени венєц опрез памятнїка погинутим борцом у НОВ.
Венєц положели секретар Месней заєднїци и подпредсидатель Месного одбору Здруженя борцох НОВ Руски Керестур Михайло Пашо, як и заменїк предсидателя Месного одбору Здруженя борцох НОВ Дюра Папуґа, а присутни були и числени валалчанє.
После указованя чесци погинутим борцом зоз минуту цихосци, Дюра Папуґа визначел же у Другей шветовей войни участвовали 374 млади Керестурци, од хторих 50 погинули, як и же у воєних зраженьох 90-их рокох на териториї бувшей СФРЮ з Керестура було вецей як 300 учашнїкох, з хторих троме погинули.
Секретар МЗ Михайло Пашо визначел же нїґда нє треба забуц людзох хтори дали свойо животи за нашу шлєбоду.
