РУСКИ КЕРЕСТУР – Руски народни театер „Петро Ризнич Дядя” пияток, 16. октобра, нащивел Александер Ризнич, унук Петра Ризнича Дядї, зоз свою фамелию, хтори жиє у Чрномелю, у Словениї. Од остатнєй нащиви Рускому Керестуру, кед з нїма бул и Александеров оцец, односно Дядьов син Павле, прешло уж вецей як осем роки.
И з тей нагоди вони нащивели наш национални театер хтори ноши мено по їх предкови, дзе их дочекал директор Славко Орос и уручел им моноґрафию хтора видрукована того року и хтора, як визначел, на свой способ означела вецей як пол вика иснованя нашого театра чуваюци памятку на шицких хтори себе убудовали до його фундаментох, насампредз Петра Ризнича Дядю.
Фамелия Ризнич нащивела и дзепоєдни други локациї у Руским Керестуре, Вербаше и Новим Садзе, з обецаньом же останє у цесним контакту з нашим театром и Руснацами на тих просторох.
