Матурски вечар преславели и мали матуранти у Коцуре

автор ол. русковски
431 Опатрене

КОЦУР – Мали матуранти Основней школи „Братство єдинство” у Коцуре вчера, 14. юния, означели конєц свойого основношколского образованя зоз преславу матурского вечара.

Школски бренчок ше за конєц їх остатнєй годзини у тей школи оглашел прешлого пиятку, и тото преславели зоз журку у физкултурней сали, зоз музику, писню и танцом.

У пополадньових годзинох ше вчера зишли шицки опрез школи и, як то уж и традиция, шветочно предефиловали по „Пелетову салу”, дзе була орґанизована преслава. Гоч хвиля того дня була кус пременлїва, по конєц их провадзело слунко, а родичи маломатурантох, родзина и товарише, як и числени валалчанє их випровадзели зоз аплаузом.

Госци школярох на матурским вечару були їх учительки, наставнїки и директорка коцурскей Основней школи Сенка Мученски.

ПОВЯЗАНИ ТЕКСТИ