КОЦУР – По завераню виберацких местох у Коцуре, обявени и резултати гласаня на Позарядових парламентарних виберанкох за нове зволанє Народней Скупштини Републики Сербиї.
По нєурядових резултатох, на парламентарних виберанкох гласали 2482 гражданє, цо 73,04 одсто од вкупного числа 3398 уписаних гласачох. Число нєважацих лїсткох було 28, односно 1,12 одсто.
Лїстина число 3 „Студентска лїстина – Студенти победзую” достала найвецей, 1242 гласи, односно 50,04 одсто. На другим месце лїстина число 1 „Александар Вучич – Зєдинєна Сербия” котра достала 1118 гласи, односно 45,04 одсто. На трецим месце лїстина число 2 „Ивица Дачич – Фактор стабилности – Социялистична партия Сербиї – Єдинствена Сербия – Социялдемократска партия Сербиї и Желєни Сербиї” зоз 47 гласами, односно 1,89 одсто.