АПВ обезпечела средства за превоз школярох

автор ртв/ядю
1.1k Опатрене

НОВИ САД – Предсидатель Покраїнскей влади Иґор Мирович присуствовал на вчерайшей шветочносци з нагоди подписованя контрактох зоз представителями 44 локалних самоуправох зоз териториї АП Войводини, хтори по конкурсу витворели право на средства за реґресованє превозу школярох штреднїх школох у вредносци 182 милиони динари.

Предсидатель Мирович виявел же то значна програма хтору Покраїнска влада реализує, бо ше зоз ню, як гварел, посила порученє школяром хтори вибрали школованє звонка свойого места у хторим жию.

– Указали зме способносц инвестовац до образованя и у одношеню на нашо финансийни капацитети за тото видзельовац вше вецей средства и то останє єден з приоритетох Покраїнскей влади – гварел Мирович.

Подпредсидатель Покраїнскей влади и покраїнски секретар за управу, предписаня, национални меншиини-национални заєднїци Михаль Нїлаш, гварел же тот конкурс лєм єден з велїх указательох континуованого и плодного сотруднїцтва медзи локалнима самоуправами и покраїнскима власцами.

ПОВЯЗАНИ ТЕКСТИ