НОВИ САД – Дунайски парк, внєдзелю, 6. септембра бул балетска сала на отвореним, понеже отримана явна балетска годзина наволана Балет у парку.
Першираз у Новим Садзе на отвореним у Дунайским парку публика була присутна на явней годзини балету, праве такей яку танцоше маю каждодньово, алє и пред пробу и наступом на представи.
Явну годзину водзела педаґоґа зоз Куби Ивет Родриґез, зоз провадзеньом на клавире пиянисткинї зоз Греческей Антули Барле.
Инициятиву порушала директорка Балета СНТ Ая Юнґ, жадаюцу балет приблїжиц гражданом и отвориц простор на хторим ше стретню уметносц и заєднїца.
Орґанизованє явней годзини балету потримали Покраїнска влада Войводини и Город Нови Сад.
