БЕОҐРАД – Зоз декретом владики кир Георгия Джуджара о. Ярослав Варґа, окрем того же постал нови парох у Индїї, будзе парох и у Беоґрадзе, Служби Божо будзе служиц кажей першей и трецей нєдзелї у мешацу на 16 годзин у Церкви Христа Цара у Крунскей улїци 23 у Беоґрадзе.
Внєдзелю, 6. септембра о. Ярослав Варґа одслужел першу службу у беоґрадскей церкви, представел ше парохияном, хтори го привитали.
Вирни з тей нагоди могли поциловац и помодлїц ше при мощох блажених мученїкох о. Павла Петра Ороса и o. Доминика Трчку. Беоґрадски парохиянє порихтали богати аґапе и радовали ше, бо од мая нє мали Службу Божу.
