КОЦУР – Всоботу, 25. фебруара, у просторийох парохийного Каритасу у Коцуре парох Сримскей Митровици и Беоґрадзе о. Владислав Варґа отримал преподаванє з тему „Лєм дїла любови оставаю“. На преподаваню присуствовал и директор Каритасу за Сербию Янко Катона, а попри домашнїх, и волонтере Каритасу з Руского Керестура.
После кратшей жимскей павзи, Каритас у Коцуре того тижня предлужел зоз своїма акциями, так же отримана роботна акция на хторей волонтере попораєли свойо просториї, пририхтана ґардероба за гуманитарну помоц, а стреду за активистох и симпатизерох Каритасу орґанизовани бал и друженє.
