РУСКИ КЕРЕСТУР – Рукометни клуб „Русин” одбавел внєдзелю, 18. октобра, у Спортскей гали у Руским Керестуре, пияте коло Другей лиґи Войводини – ґрупа А, и у напартим стретнуцу зазначели цесне пораженє од екипи РК „Далматинац” зоз Ридїци, а конєчни резултат бул 31:32 (17:22).
Найефикаснєйши бавяч у Русиновей екипи бул Марко Слива, котри дал седем ґоли.
Ґоли за екипу Русина дали: Марко Слива (7), Милош Шиячич (6), Боґдан Шиячич (5), Борис Югик (4), Владе Орлич (3), Стефан Тойзан (3), Филип Тома (2) и Филип Ноґо (1).
За екипу Русина бавели: Предраґ Мариянац (c), Милан Станкович, Иґор Варґа, Владе Орлич, Борис Югик, Филип Тома, Боґдан Шиячич, Миле Зеленович, Бранко Лукич, Петар Пирожек, Милош Шиячич, Филип Ноґо, Стефан Тойзан, Владимир Бакша и Марко Слива.
Екипу водзел Мирослав Виславски.
У шестим першенственим колу екипа Русина будзе бавиц у Зомборе процив екипи РК „Зомбор”.
