НОВИ САД – Подпредсидатель Покраїнскей влади Дьордє Миличевич и покраїнски секретар за польопривреду Вук Радоєвич вчера придали контракти предсидательом локалних самоуправох з Войводини котри витворели право на безповратни средства на основи двох конкурсох Покраїнского секретарияту за польопривреду – за ушоренє дильовох и за опреманє польочуварскей служби у тим року.
Подпредсидатель покраїнскей влади Дьордє Миличевич наглашел же значносц аґрару за нашу економию препознала и тота покраїнска власц, о чим гуторя вецей як осем милиярди динари у покраїнским буджету опредзелєни за субвенциї у аґрару, цо номинално вецей як скорейши роки.
Двацец локални самоуправи достаню 420 милиони динари за ушоренє дильовох, а дзевец локални самоуправи достаню пенєж за опреманє польочуварскей служби.