КОЦУР – Тих дньох тирваю пририхтованя за самостойну виставу уметнїка Силвестера Макая зоз Коцура. Роботи на вибераню скулптурох и уметнїцких творох коцурского скулптора, подобового уметнїка и педаґоґа у полним розмаху, а Макаї з нєсцерпеньом обчекує отримованє спомнутей вистави.
Виставу планує виложиц у Подобовей ґалериї Културного центру Вербасу, а як гварел, идею му дали ґалеристкиня др Силвия Єлачич и предсидателька Здруженя подобових уметнїкох општини Вербас Марияна Петричевич. Вистава з котру би ше обєдинєло цалу його творчосц би була отримана з нагоди означованя 85. рочнїци його народзеня.
Отримованє самостойней вистави уметнїка Силвестера Макая плановане за септембер, або початок єшенї, а урядово информациї и точни датум вистави у вербаскей Ґалериї буду благочасово обявени.
