ДЮРДЬОВ – Одказана Ловарска ґулашияда у орґанизациї Ловарского дружтва, котра ше традицийно отримує у авґусту.
Ловарска ґулашияда одказана пре Ришенє и потвердзенє африцкей чуми у Жаблю, котре видало Министерство польопривреди, лєсартсва и водопривреди – Управа за ветерину ище 14. юлия, а по котрим до дальшого на териториї Општини Жабель забранєни сходи на хторих єст животинї и продукти зоз животиньох.
Орґанизаторе зоз дюрдьовского ловарского дружтва планую орґанизовац ґулашиядю, алє аж док буду мац дошлєбодзенє од Штабу за позарядово ситуациї Општини Жабель, односно од Министерства польопривреди, лєсарства и водопривреди – Управи за ветерину.
Остатня Ловарска ґулашияда була отримана 30. авґуста прешлого року после двох рокох паузи. Теди ше у вареню ґулаша змагали 34 екипи зоз Дюрдьова, Нового Саду, Жаблю, Шайкашу, Ґосподїнцох и других околних местох.