ДЮРДЬОВ – Внєдзелю, 15. априла, у 23. колє ярнєй часци змаганя Подручней фодбалскей лиґи Нови Сад, дванастопласовани ФК „Бачка 1923” з Дюрдьова на домашнїм терену страцел од шестопласованого ФК „Младосц” з Нового Саду з резултатом 1:2 (0:2).
После того змаганя ФК „Бачка 1923” и далєй на дванастим месце з 26 бодами. На шлїдуюцим змаганю ютре, 18. априла, у Сириґу стретнє ше з тринастопласованим ОФК „Сириґ”, котри ма исто боди як и ФК „Бачка 1923”.
Потим, на нєдзелю, 22. априла на 16,30 годзин на стадиону у Дюрдьове „Бачка” дочека осемнастопласовани ФК „Виноґрад” з Лединцох котри од початку сезони остатнї на таблїчки и ма лєм єден бод.