БАЧИНЦИ – У рамикох Спортских бавискох „Яша Баков“ отримане змаганє у столним тенису на хторим участвовали осем екипи, з хторих два зоз Републики Горватскей.
Перше место освоєла екипа КПД „Иван Котляревски“ зоз Бикичу, друга була екипа Миклошевцох, а треци домашнї КПД „Драґутин Драґен Колєсар“. Штварте место завжали столнотенисере РКЦ з Нового Саду, пияте екипа з Петровцох, а шесте КУД „Тарас Шевченко“ зоз Дюрдьова, седми були „Папивинґ“ зоз Вербасу, а осми КПД „Дюра Киш“ зоз Шиду.
Турнир успишно орґанизовали КПД „Драґутин Драґен Колєсар“, а змаганє отримане у сали Дома култури.