КУЛА – У грекокатолїцкей парохиї священомученїка Йосафата у Кули нєшка починаю главни богослуженя Страсного тижня, та на Желєни штварток Вечурня зоз Службу Божу Василия Велького у церкви будзе на 8 годзин, а на 18 г. Утриня з читаньом 12 євангелийох.
На ютре, на Вельки пияток, на 7 годзин будзе богослуженє Царски часи, на 15 г. Вечурня з покладаньом плащанїци до гроба, а на 19 г. Єрусалимска утриня.
На Вельку соботу на 8 г. будзе Вечурня з Лиурґию Василия Велького, а на нєдзелю вчас рано на 5 годзин Утриня з пасхалну Службу Божу и пошвецаньом паскох. Шветочна Служба и пошвецанє пасхалного єдзеня будзе и на 10 годзин.
Пасху ше преслави и у филияли кулскей парохиї у Крущичу, дзе пойдзе служиц о. Платон Салак ЧСВВ, а обчекує помоц о. Михайла ЧСВВ, котри ма присц з України. Кед вон придзе по нєдзелю, Служба и пошвецанє паскох у Крущичу будзе на 12, а кед нє, вец на 13 годзин.