КУЛА – Огень на кулским шмециску, на такв. Лапошу ознова бовчи од соботи 22. авґуста, смрод палєня и дим ше чувствує аж и у Руским Керестуре, а зоз хотара мож аж и видзиц огень и дим.
Перши озбильни огень на кулским шмециску бул початком авґуста, а потим ситуация була под контролу по соботу 22. авґуст кед ше ознова озбильно розгорело.
У гашеню огня на обидва заводи участвовали єдинки професийних огньогасцох зоз Кули, алє и добродзечни огньогасци зоз околних местох, а медзи нїма и Керестурци.