РУСКИ КЕРЕСТУР – У парохиї св. оца Миколая у Руским Керестуре вчера, на Вельку стреду, служена остатня Служба Божа преждеосвящених дарох, з чим ше вошло до закончуюцих богослуженьох Страсного тижня. Нєшка, на Вельки (Желєни) штварток, у Катедрали на 19 годзин будзе Вечурня зоз Службу Божу Василия Велького, з обрядом умиваня ногох, хтори будзе предводзиц наш владика Георгий Джуджар, з домашнїма священїками.
Владика Георгий у Керестуре будзе предводзиц и шицки богослуженя по и на саму Вельку ноц – на ютре, на Вельки пияток на 8 годзин Утриню з читаньом 12 страсних євангелийох, а на 15 годзин Вечурню з покладаньом плащанїци до гроба, хтору вирни до соботи вечара годни поциловац и помодлїц ше при Христовим гробе.
На Вельки пияток, по хованю, у церкви почнє и дзевятнїца до Божого Милосердия.
На Вельку соботу на 8 годзин будзе Єрусалимска утриня, а на 20 годзин Пасхалне бдиниє – Всеночне з Воскресну утриню.
На нєдзелю, на Вельку ноц, перша Служба Божа будзе на 8, а Архиєрейску, з пошвецаньом паскох, на 10 годзин будзе предводзиц наш апостолски еґзарх, владика Георгий.