Велька ноц преславена и у Кули

автор маф, фото ридне слово
1.2k Опатрене

КУЛА – Вирни грекокатолїцкей парохиї священомученїка Йосафата у Кули и єй филияли у Крущичу, у вельким чишлє, внєдзелю 8. априла преславели Перши дзень Воскресеня Христового – Вельку ноц.

Як то звичай у тей парохиї, перша Пасхална утриня и Пасхална св. Литурґия зоз пошвецаньом кошаркох була на 5 годзин, а Пасхална Служба Божа зоз пошвецаньом кошаркох була и на 10 годзин.

Обидва богослуженя служел капелан о. Платон Салак ЧСВВ, док у Крущичу св. Литурґию и пошвецанє паскох, внєдзелю на 8,30 годзин служел парох о. Дамян Кича ЧСВВ. Место казанї на шицких службох пречитана владикова Вельконоцна винчованка на руским и українским язику.

На Други дзень Пасхи по Служби Божей на 9 годзин було мированє и традицийни Вельконоцни концерт хтори пририхтали члени домашнього КУД „Иван Сенюк”.

Нєшка, на Треци дзень Пасхи, Литурґия служена на 9, а на вечар на 17 годзин будзе Вечурня.

kula veljka noc

ПОВЯЗАНИ ТЕКСТИ