ВЕРБАС – У велькей сали КПД „Карпати“ у Вербаше на ютре, 8. aприла, за дзеци и младих будзе отримана роботня з тему Велькей ноци, а координаторки роботнї учительки мацеринского язика Славица Мали и Оля Станков.
Роботня почнє на 11 годзин, а КПД „Карпати“ поволує шицких заинтересованих же би участвовали и научели нови технїки писаня и фарбеня писанкох, та правеня прикраскох за Вельку ноц.