НОВИ САД – Державни секретар у Министерству информованя и телекомуникацийох Перко Матович и помоцнїк министра информованя и телекомукацийох Драґан Трапарич нащивели вчера, 5. авґуста Радио-телевизию Войводини.
З тей нагоди вони ше зишли зоз ґенералним директором покраїнского явного медийского сервису Ґораном Караджичом.
На схадзки ше бешедовало о предлуженю и унапредзеню сотруднїцтва, а шицко тото з цильом квалитетнєйшого информованя гражданох, хтори програму РТВ-а можу провадзиц на сербским, алє и на 14 язикох националних заєднїцох у Войводини.