НОВИ САД – З нагоди Велькей ноци предсидатель Покраїнскей влади Иґор Мирович повинчовал Швето шицким вирним хтори го славя по григориянским календаре.
-Шицким вирним, хтори найвекше християнске швето, Вельку ноц, славя по григориянским календаре, винчуєм од шерца и жичим же би го препровадзели зоз свою фамелию у радосци, пре воскресенє Исуса Христа з хторим воскресло и тото найлєпше у людзох, гварел у своєй вельконоцней винчованки предсидатель Покраїнскей влади Иґор Мирович.
Вельку ноц вирним винчовал и городоначалнїк Нового Саду Милош Вучевич зоз жаданьом же би го препровадзели у любови, пребачованю, миру и задовольству.
-Прешвечени сом же зоз толеранцию и чловечеством дойдземе до просперитетнєйшей, богатшей и безбрижнєйшей заєднїци у хторей животи шицких нас, з дна на дзень, буду вше лєпши – визначел Вучевич.