НОВИ САД – На Филозофским факултету у Новим Садзе вчера, 13. септембра, закончена тродньова наукова конференция „Полислав 21” на хторей участвовали коло 70 домашнї и иножемни науковци.
Найвецей учашнїкох було з Русиї, Польскей и Сербиї, а теми з русинистики викладали науковци з Оддзелєня за русинистику Михайло Фейса, Александер Мудри и Ана Римар. Три теми презентовали и госци з Мадярскей, Словениї и Япону.
Конференцию „Полислав” ше кажди рок отримує у другим европским городзе, а шлїдуюца будзе у Лодю у Польскей.