Винчованки за Вельку ноц

автор ядю
1.1k Опатрене

НОВИ САД – Винчованки з нагоди Велькей ноци по юлиянским календаре вирним и священству упутели предсидатель Покраїнскей влади Иґор Мирович и городоначалнїк Нового Саду Милош Вучевич.

– Вирним, священству церквох и вирских заєднїцох котри тото швето преславюю по юлиянским календаре, од шерца жадам же би го дочекали и преславели радосно, у мире, пре воскресенє Господа з хторим воскресло и шицко найлєпше у людзох. Жадам шицким же би их водзела праве християнска вира, старосц о найблїзших, а медзисобне уважованє и злога злєпшали час котри пред нами – виявел предсидатель Мирович.

Городоначалнїк Нового Саду Милош Вучевич виражел найсердечнєйши винчованки за Вельку ноц, з жаданьом же би го шицки препровадзели подзековни, задовольни и з виру до доброго у каждим з нас.

– Най нам тото найрадоснєйше християнске швето прейдзе у добрим здравю, фамелийним щесцу и миру, медзи своїма найблїзшима. Велька ноц треба же би нам врацела виру до лєпшей будучносци и здогадла нас на важносц пестованя моралних вредносцох у медзисобного уважованя. Най ше до наших домох уселї дух злоги и приятельства з ближнїма, а солидарносц и порозуменє най ошвица нашу жем – визначел медзи иншим Вучевич у Вельконоцней винчованки.

ПОВЯЗАНИ ТЕКСТИ