Вируцени здохнути прашата нєшка однєшени, шлїдзи виновна приява

автор маф
987 Опатрене

РУСКИ КЕРЕСТУР – Осем здохнути прашата, чежки 30-40 кили, хтори були вируцени у ярку коло драги спрам Косанчичу, нєдалєко од валала и перших хижох на Русинскей улїци, а замерковани су пияток, нєшка рано роботнїки „Зоогиґиєни” зоз Кули, однєсли до Ветеринарскей установи-кафилериї „Протеинка” у Зомборе.

Тоту информацию за Рутенпрес дал директор ЯКП „Руском” з Руского Кересура Иґор Фейди, хтори ше по дояви о вируцених здохлїнох анґажовал и обвисцел Комуналну инспекцию у Општини Кула, а зробела то и гражданка Весна Макаї котра о тим инциденту информовала и „Руском”. rk svinji 2

Понеже бул викенд, инспекция пондзелок рано вишла на терен, обвисцела и општинску ветеринарску службу и кафилерию „Протеинку” хтора мала позберац загинути животинї. По словох Фейдия, понеже вони нє мали утоварйовач, догварене же то поробя роботнїки „Рускому”, та шицки вєдно вишли на место нєшка рано на 9 годзин, алє го „Зоогиґиєна” праве одношела, понеже мала подобни случай загинутих животиньох и у Кули.

Як гвари Фейди, по словох инспектора Стевана Ґелевайчука хтори бул на терену, за таке дїло ветеринарска служба окончує вишлїдзованє и глєда власнїка хтори на нєдопущени способ вируцел загинути прашата, а йому вшелїяк шлїдзи виновна приява.

У случаю загинуца домашнїх животиньох и статку, гражданє у Заходно-бачким округу, та и у Керестуре, треба же би поволали спомнуту кафилерию на тел. 541-3666, 064/62240568, або ше о тим информовац и у ЯКП „Руском”.

rk svinji 3

ПОВЯЗАНИ ТЕКСТИ