Вишло нове число „Дзвонох”

автор маф
1k Опатрене

РУСКИ КЕРЕСТУР – Друге тогорочне число Християнского часопису „Дзвони” вишло внєдзелю, 5. марца, у парохиї св. оца Миколая у Руским Керестуре, а як главну подїю зазначели урядову нащиву нашого еґзарха, владики Георгия Джуджара, вєдно з владиками з Владическей конференциї „Кирила и Методия” папови Францизкови. Тота нащива ше одбува кажди пейц роки.

У тим чишлє „Двонох” акцент на Вельконоцним посту з духовним пририхтованьом за швето Пасхи, ту и друге предлуженє написох о Водици з нагоди 200-рочнїци перших указаньох, хтору ше означує того року, а тиж и напис о сторочнїци указаня у Фатими.

„Дзвони” приноша и актуалносци з наших парохийох и взагальней церкви, здогадованя, молитви, роздумованя, преглїбйованя и потримовку прейґ шведоченьох о живоце по христинскей вири – од особного живота по швет економиї.

ПОВЯЗАНИ ТЕКСТИ