КОЦУР – До Коцура, прейґ Євангелскей церкви пондзелок, 13. авґуста, пришла треца ґрупа волонтерох зоз Голандиї котра того лєта волонтерски помага у ушорйованю валала.
Волонтере зоз голандского места Свайдрахт вовторок у коцурскей амбуланти офарбели ограду, а под час свойого пребуваня у Коцуре планую вибетоновац єдну дражку у коцурскей Основней школи „Братство єдинство” и помагац старшим особом у роботох коло обисца.
Зоз Свайндрахту на тот завод пришли 15-еро волонтере и у Коцуре буду 10 днї, а шлїдуюца ґрупа волонтерох до Коцура придзе у септембру зоз голандского места Зутфен котра тиж планує рижни роботи у Коцуре.