КОЦУР – Гуманитарна акция у котрей ше помага Наташи Ґайдош котра у януару чежко покалїчена у транспортним нєщесцу ище тирва у Коцуре и околних местох.
У гуманитарней акциї котру орґанизовали медицински роботнїк зоз Футоґу Миленко Теґелтия, Лана и Мирослав Горняково зоз Нового Саду, зоз назбераних средствох Наташи купени авто же би єй бул олєгчани одход на рехабилитацию и лїченє котре нєобходне же би ше цо скорей окрипела, а тераз, на инциятиву члена Совиту Месней заєднїци Коцур Мирка Штрбца Шпанца, пияток закончена и ґаража за авто.
Материял за ґаражу обезпечела Месна заєднїца, подприємство „Ява” зоз Вербасу дала попуст на потребни материял, а Михайло Арваї, майстор зоз Коцура, без финансийного надополнєня поставел ґаражу.
Наташи пред двома тижнями оперована рука, та ше тераз успишно окрипює од операциї.