ВЕРБАС – Всоботу, 6. мая, у грекокатолїцкей парохиї у Новим Вербаше з богослуженьом преславене Дзуря, швето Велькомученїка св. Георгия.
Службу Божу служел парох о. Иґор Вовк, котри у казанї бешедовал о витирвалосци и жертвох велькомученїка Георгия и о тим як у чаше його найвекших церпеньох думал на других и велїчал мено Господнє.
У церкви Святого Владимира богослуженє було на дзевец годзин, а хвиля потримала же би после Служби опрез церкви було пошвецене младе жито. Парохиянє жито однєсли дому, як символ плодного урожаю и защити од нєщесцох и бурйох на польох.