Дом култури госцовал у Риєки

автор маф
937 Опатрене

РИЄКА (ГОРВАТСКА) – Аматере Дому култури Руски Керестур ше 20. мая врацели зоз госцованя у Риєки дзе одпутовали 16. мая на 14. културну манифестацию „Тидзень култури Руснацох и Українцох Приморско-ґоранскей жупаниї” хтора отримана од 14. мая у Риєки, Ловрану и Матульох.

Спред Дому култури одпутовали 29 аматере з танєчного Виводзацкого ансамблу, тамбурового оркестра и шпиваче солисти Саня Чапко и Себастиян Надь. Наступели на трох самостойних годзинових концертох у Рєки, Ловрану и Матульох, а штварти наступ бул комбинация дефилеа и наступу на отвореним и вшадзи були крашнє и нєпоштредно прияти.

Домашнї им було Културне дружтво Руснацох и Українцох „Рушняк” Приморско-ґоранскей жупаниї и його предсидатель Владимир Провчи, хторе и орґанизатор манифестациї вєдно зоз Союзом Руснацох Републики Горватскей, а под покровительством Совиту за национални меншини Републики Горватскей, з потримовку Городу Риєка, Општини Матулї и Општини Ловран.

ПОВЯЗАНИ ТЕКСТИ