ШИД – На пондзелок, 15. януара, настава у обновеним будинку Основней школи „Сримски фронт” у Шидзе почнє благочасово.
Средства за подполну обнову Школи обезпечени з буджету Републики Сербиї, 50 милиони динари, а школяри цале перше полрочє, покля тирвали роботи, наставу мали у двох школох – младши возрост у Основней школи „Бранко Радичевич”, а старши у Ґимназиї „Сава Шуманович”.
До пораєня школского будинку ше уключели шицки заняти, як и дзепоєдни школяре, же би школа була порихтана за пондзелок кед висши класи на наставу иду у першей, а нїзши до другей змени.
За школярох зоз Бикичу, Беркасова, Моловину и Соту и надалєй будзе функционовац порядни автобусни транспорт, хтори бул и пред початком роботох.
(Фотоґрафиї обезпечел Тим за одношенє з явносцу ОШ „Сримски фронт“, Ваня Проданович)
