РУСКИ КЕРЕСТУР – У просторийох Каритасу у Руским Керестуре 8. и 9. априла отримане духовне стретнуце за хлапцох од 9 до 13 роки з вецей местох, такволане „джен-3”, а тема стретнуца була „Як любиц з євангелску любову у конкретним живоце”.
На стретнуцу участвовал 21 хлапец з Бечею, Нового Бечею, Горнього Брегу, Керестура и Панчева зоз старшима аниматорами, а организатор бул Рух фоколарох.
Попри преглїбйованя теми прейґ видеа и особних шведоченьох, учашнїки ю пробовали применїц и у рижних бавискох, друженю, а всоботу и пораєли на керестурским теметове.
Стретнуце закончене на Дзецинскей Служби Божей, на хторей преславена Квитна нєдзеля.
