ШИД – Представитель Делеґациї Европскей униї у Сербиї Штефен Гудолин вчера придал ключи автох „шкода кодиаґ“ Општини Шид и Городу Сримска Митровица, а ключи дарункох прияли заменїк предсидателя Општини Шид Зоран Семенович и городоначалнїк Сримскей Митровици Владимир Санадер.
Теренски авта достати у рамикох проєкту прейґгранїчного сотруднїцтва Сербиї и Босней и Герцеґовини з назву „Одвит на позарядово ситуациї-ТАКОЙ“, хтори почал у септембру прешлого року и тирва по марец 2018. року. Партнере у проєкту Шид и Сримска Митровица, а його вкупна вредносц виноши 555 764,58 еври.
Гудолин наявел же Шид и Сримска Митровица по марец шлїдуюцого року ище достаню баґери и чамци, и так буду порихтанши за позарядово ситуациї, як цо то вилїви.