КОЦУР – У просторийох Етно-клубу „Одняте од забуца“ у Коцуре пияток, 8. септембра, отримана схадзка Управного одбору Клубу, на хторей розпатрани плани и активносци за наиходзаци период.
Остатнї час ше робело на ушорйованю старей дзияковнї, алє пре вецей причини, преширенє Етно-клубу нє закончене так як було плановане – по 9. септембер, односно по датум кед пред 10 роками основани Клуб, та порадзене же би потребни роботи були закончени по „Костельникову єшень“.
На схадзки догварене же тогорочна Подобова колония Месного одбору Рускей матки Коцур будзе пошвецена 10-рочнїци Етно-клубу, а тема Колониї будзе „Одняте од забуца“.
Плановане же би Колония була отримана 30. септембра у лєтнєй учальнї ОШ „Братство єдинство“, лєбо у Етно-клубу. Вистава роботох з Подобовей колониї будзе и часц програми означованя 10-рочнїци снованя Етно-клубу, под час тогорочней „Костельниковей єшенї“.