РУСКИ КЕРЕСТУР – Диждж хтори у Руским Керестуре падал внєдзелю вечар и скоро цалу ноц, за два-три днї оддалєл початок тогорочней жатви жита, понеже могла почац уж вчера, пондзелок, та кед будзе красна хвиля, вироятно почнє штредком того тижня, дознава Рутенпрес у керестурских задруґох.
У Руским Керестуре внєдзелю вноци спадло од 10 до 18 литри дижджу по квадратним метеру, а диждж провадзело вельке и моцне гирмене и блїсканє, алє до вчера нє було информациї же у даєдней часци хотара було и каменцу.
Добродзечне огньогасне дружтво (ДОД) пред жатву жита у своїх просторийох препатра процивогньово апарати, а „на терену” комбайни и други машини.
На препатрунок їх исправносци, огньогасни апарати до ДОД мож принєсц кажди дзень од 18 до 20 годзин.