Жири вибере найкрасши прикраски

автор злк
742 Опатрене

КОЦУР – Подобови конкурс котри розписало Коцурске здруженє младих „КУМ” на тему „Прикраски за Нови рок и Крачун од рециклованого материялу” будзе закончени нєшка кед жири одредзи наградзених.

Жири будзе оценьовац иновативносц, креативносц, количество и комбинацию рижних материялох котри похасновани, а роботи треба принєсц од 10 по 11 годзин до Етно клубу „Одняте од забуца”.

На конкурс ше можу приявиц школяре од першей по осму класу, поєдинєчно або у ґрупи од трох членох, а ґрупа або поєдинєц можу придац єдну прикраску.

Прикраски можу буц направени од материялу котри мож рецикловац, як цо то папер або пластика, муша мац квачку же би ше з нїм могло оквициц ядловец, а кажда прикраска треба же би символично представяла наиходзаци швета.

Вистава тих роботох будзе истого вечара на 19 годзин кед будзе преглашена и найкрасша прикраска, а побиднїк достанє пригодну награду.

ПОВЯЗАНИ ТЕКСТИ