ВЕРБАС – Роботнїки Дїловней єдинки „Чистота” Яавного комуналного подприємства „Комуналєц” з Вербасу на соботу, 21. априла, запровадза першу тогорочну акцию одношеня кабастого одпаду з вербаских улїцох.
Согражданє кабасти ствари годни охабиц опрез своїх обисцох на соботу рано, а ЯКП „Комуналєц” таку акцию традицийно орґанизує у ярнїм и єшеньским периодзе же би таки одпад нє закончел коло контейнерох або дзивих депонийох.
– Кед слово о кабастих стварох, ту подрозумюєме часци старого меблю, билу технїку, авто ґуми, тварду пластику, склєняну амбалажу, як и мали количества поживового одпаду. Значне наглашиц же животиньски и будовательни одпад нє будземе одношиц, бо за то нє маме можлївосци – поручел дїловодитель Дїловней єдинки „Чистота” Младен Павлович.
