КОЦУР – У просторийох подручней канцелариї Националного совиту рускей националней меншини, на соботу, 19. септембра, будзе отримани литературни вечар у орґанизациї Литературней секциї КУД Жатва.
Вечар будзе пошвецени представяню найновшого романа Звонка Сабола Пируета у виданю новосадского Прометея, а з тей нагоди о роману буду бешедовац рецензентка Ирина Гарди Ковачевич, Мария Горняк и Микола Шанта.
Литературни вечар почнє на 20 годзин, а шицки присутни достаню и безплатни прикладнїк романа.