ШИД – Општинска рада (0Р) на схадзки отриманей вовторок, 23. октобра, розпатрела Предлог вименкох Статута општини на хтори позитивне думанє дало Министерство за державну управу и локалну самоуправу, а нєодлуга будзе и пред одборнїками Скупштини општини.
Як новинаром на конференциї гварел Зоран Семенович, заменїк предсидателя Општинскей ради, мандат Дочасових целох у месних заєднїцох предлужени за ище шейсц мешаци по виберанки за нови совити МЗ.
ОР предложела же би нови поверенїк за вибеженцох и миґрациї бул Деян Коїч, член ОР, потим потримане снованє Општинского совиту за родичох школских дзецох, а ОР розподзелєла и средства хтори за потреби спорту и здруженя гражданох.
Семенович гварел и же закончени водовод за Бикич и Привину Главу и же у цеку його випитованє, а нависцел и першу ґринфилд инвестицию у индустрийней зони при Адашевцох хтора ше ище инфраструктурно ушорює.
По його словох, у сотруднїцтве зоз єдну нєвладову орґанизацию, нєодлуга буду заменєни облаки на школским будинку у Бикичу.
Семенович сообщел и же на подручу општини у прилапююцих центрох єст 850 миґрантох и ище коло 200 звонка центрох, односно нєреґистровани особи.