НОВИ САД – У Руским културним центре (РКЦ), прешлого тижня монтирани два клими за розхладзованє велькей сали.
Клими обезпечели и донирали длугорочни и активни члени РКЦ Милан Брекайло и Владимир Горняк, а за монтиранє клима пошореньох поєднани майстрове чию роботу ше виплацело зоз донацийох хтори назберали члени и родичи дзецох хтори приходза на секциї до РКЦ.
Триманє танєчних пробох, пририхтованє фолклорашох на нашо фестивали и пребуванє у велькей танєчней сали РКЦ тераз приємнєйше и кед вельки горучави.
Здогаднїме же концом прешлого, 2025. року, реновирана велька сала, кед ше ю обилєло, ґу тому офарбени облаки, положени ламинат, заменєни уходни дзвери, офарбена ламперия и радиятори, поцагани електрични инсталациї и оправене ошвиценє, а шицко тиж поробене дзекуюци активним членом РКЦ, насампредз Миланови Брекайловому и Владимирови Горняковому, а средства и материял за роботи сциговали од донацийох членох и почитовательох РКЦ.
