КОЦУР – Фодбалски клуб (ФК) „Искра” пондзелок почал пририхтованя за нову сезону, на початку котрей зменєни потерашнї тренер. Место Боривоя Абрамушича, тренер „Искри” у наиходзацей сезони будзе Боро Ерцеґ зоз Вербасу.
Пременки єст и у бавяцким кадре, бо з „Искри” пошли Юшкович, Мирицки, Перович, Мароєвич и Радулович, а пришли нови – ґолман Йовица Калинич и Радивоє Ґаґович. Знова почали тренирац даєдни бавяче котри прешлей сезони пре особни причини и покалїченя нє могли бавиц, а планує ше давац нагоди и фодбалером котри наступали за младши катеґориї „Искри”.
После барз успишней прешлей сезони у котрей „Искри” дакус хибело же би ше пласовала и до Войводянскей лиґи, барз важне затримац исти квалитет бависка, понеже єст информациї же можлїва и реорґанизация нїзших лиґох Сербиї з котрей би як пошлїдок могли випаднуц вецей екипи до нїзшого ранґу, та би було добре вибориц место у горнєй часци таблїчки.