КОЦУР – „Искра“ ше внєдзелю, 4. юния, пред своїма навиячами з побиду зоз аж 5:0 над „Обиличом“ зоз Змаєва, одпитала од Медзиопштинскей лиґи Бачка Тополя-Мали Идьош-Вербас-Бечей, и як шампион у тей лиґи, у идуцей сезони будзе бавиц у Подручней лиґи Суботица.
Ґоли за „Искру“ внєдзелю дали Марян Малацко 2, Дарко Николич, Дамир Ґубаш и Тони Иван.
Змаганє процив „Обиличу“ було одпитуюце и за длугорочного бавяча „Искри“ Златка Колєсара, котри у 20. минути, кед виходзел з бависка, од управи Клубу шветочно, на терену, як подзекованє достал „Искров“ зарамени дрес.
„Искра“ сезону закончела на першим месце зоз 43-ома бодами. Зазначела 13 побиди, 4 нєришени и єдно страцене змаганє, а ма и найлєпшу ґол-розлику у лиґи – плус 54, бо посцигла 70, а прияла лєм 16 ґоли.